பூவிழிகள்நோகும்

2 .....தீபாவளியை முன்னிட்டு ரூபன் & யாழ்பவணன் அவர்கள் இணைந்து நடத்தும் உலகம் தழுவிய கவிதைப்போட்டி 2014

ஒய்யாரமா நிக்கிறியே கண்ணம்மா 
ஒருக்களித்து பார்க்கிறியே செல்லமா-
ஐயா மனசை கலைக்கிறியே மெல்லமா
என்னோருயிரை பறிக்கிறியே நியாயம்...மா

தண்ணிக்குடம் தலையிலதான் கண்ணம்மா 
என்தாகம் தீர்க்க வேணுமடி செல்லம்மா
வளைந்து நெளிந்துநிக்கிறியே தேனம்மா- நானுன்
வலையினிலே துடிக்கின்ற மீனம்மா                             ஒய்யாரமா  

அயிலை மீனைபோல என்னை அலைக்கிறியே- தோகை
மயிலை போல ஓயிலாவே நடக்கிறியே
கூடை நிறைய பாசம் வைத்து பார்த்திருக்கே - உன்
கூடபேச ஆசை கொண்டு காத்திருக்கேன்                                             ஒய்யாரமா

வேல்விழியால் தாக்கியெனை விளுத்திறியே கீழே- என்
மேலடுப்பு வச்சுதானே காய்ச்சிறியே கூழே
புன்னகையை மறைத்துவைத்து தாக்கிறியே என்னை
கன்னமிட்டு என்கனவை கலைக்கிறியே பெண்ணே                      ஒய்யாரமா 

மின்னுகின்ற மூக்குத்தி மேலழகு பெண்ணே
மன்னுகின்ற பார்வையிலே  சீரழகு கண்ணே -நீ
பொட்டு வைத்தால் வட்டநிலா வாடு....ம் - உன்
கட்டழகை கண்டாலும் பூவிழிகள்நோகும்                                     ஒய்யாரமா                             
உன்நடையழகை கண்டாலே அன்னமது நாணும்
உன்இடையழகை கண்டாலும் நடையுடனும்  தளரும்  
என்னவளே உன்னுயிரை தீக்கிறியே மெல்ல - என் 
கன்னத்திலே போட்டுக்கிறேன் கட்டிறியா என்னை                      ஒய்யாரமா  

 இந்தக் கவிதை பார்க்க இங்கே கீழே சொடுக்குங்கள்

 

          பொன்னால தானேநான்

பொன்னால தானேநான்

1 ..... தீபாவளியை முன்னிட்டு ரூபன் & யாழ்பவணன் அவர்கள் இணைந்து நடத்தும் உலகம் தழுவிய கவிதைப்போட்டி 2014
 

கண்களில் மின்னுதுகாதல் கருத்தினிலேன் மோதல்-பட்டு
வண்ணநிறத்தில சேலை கைவலையிலயேன் மாலை               
ஜன்னலோரம் நின்னு கதைபேசுது உன் கண்ணு
திண்ணையோரம் நின்னுநான் திகைக்கிறேனே கண்ணு             (ஆ)

 

அடியெடுத்து வைக்கும்வேளை தடுப்பதெந்தக் காளை
விடியும்முன்னே வந்துதவம் கிடப்பதில்ல வேலை                            (பெ)

மின்னல்போல பொட்டு வைத்து மயக்கிறியே ஆளை
இடுப்புமேல  கூடை வைத்து தடுக்கிறியே தோளை                            (ஆ)

மனம்படியும் முன்னே கடிவாளம் போடுதுதினம் ஏனோ
வனப்புமிக்க வார்த்தைகளை வீசுவதால் தானோ                                  (பெ) 

மனம் படபடக்குது ஏங்கிஉடல் வெடவெடக்குது தேங்கி
நுனிமூக்கிலதா கோபம்வந்தா கிடுகிடுக்குது மேனி                              ( ஆ)

வரையறையே இன்றிகாதல் வளருகின்ற தஞ்சி
விரையம் ஏதும்இன்றி- இங்கு கரைகிறாளே வஞ்சி                                (பெ)

கொஞ்சுதமிழ் கெஞ்சிடவே கோலம் போடுதிங்கே
மிஞ்சிபோட்ட விரலும் மெல்ல நொஞ்சு பார்க்குதங்கே                        (ஆ)

வெஞ்சமரே வந்தாலும் அஞ்ச மாட்டேன் -நான்
பஞ்சத்திலே வாழ்ந்தாலும் கெஞ்ச மாட்டேன்                                            (பெ)

ஓஹோ        அப்பிடியா......

மண்டியிட்டுக் கேட்டுக்கிறேன் உன் மனசை -என்
மனசிலேயே வைத்து உன்னை பூஜிக்கிறேன்                                              (ஆ)

ஆ ஹா ஹா ஆஹாஹா ஹா...........எனக்கு தெரியாதா 

நீ பொன்னை வைக்கும் இடத்தில பூவைவைப்ப 
என்னை வைக்கும் இடத்தில உன்னைவைப்ப                                           (பெ)

சாச்சா அப்பிடி செய்வேனா......

பொன்னால தானேநான் போர்த்து வைப்பேன் -உன்
கண் ஜாடைக்காகத் தான் காத்திருப்பேன்                                                      (ஆ)

ம்..ம்.....ம் ok ok பார்க்கலாம்........

                  

உலையில் கிடக்கும் அரிசி

நிலவும் முழுகும் இரவில்

நீர்நிலையில் தவழும் மகிழ்வில் 

உலவும் உலகம் முழுதும்

நீர்த்திவலை இன்றி கழுவும்

உலகும் உலவும் நிலவில்

அமைதி யான பிறகும்

விலகும் துன்பம் யாவும்

நிலவழகில் மயங்கி திளைக்க

அருகில் நின்று ஆடிக்களிக்கும்

அகத்தில் இனிமை சேர்க்கும்

மதியும் நிலவுபோல தேயும்

மறுபடியும் வளரும் வாழும்

காதல் பிரிவில் கருகி 

நெஞ்சை நெருடும் போது- உன்

கொள்ளை அழகை கண்டால்

கொதிக்கும் உள்ளம் குளிரும் 

அலையில் அலையும் அறுகு

உலையில் கிடக்கும் அரிசி

அனலில் விழுந்த மெழுகு-ஆனபோதும்

உன்னைக்கண்டால் உணர்வு ஒன்றிப்போகும்

ஏங்கி தவிக்கும் நிலவு - நாம்

வெளியில் இல்லை என்றால்

எட்டிப் பார்க்கும் மெல்ல  

சாளரம் வழியே உள்ளே

நிலவின் ஒளியில் நின்று

உணவை அன்னை  ஊட்ட

மழலை மொழியில் பேசி

வியக்கும் குழந்தை காட்டி  

நிஜம் இல்லையென்று புரிந்தும்

நெருங்க மனது துடிக்கும்

நினைவு நிறைய சூடும்

நெஞ்சில் நிறுத்தி பாடும்

வளரும் போது பிறையும்

வனப்பு மிகுந்து காணும்

மறையும் போது விழிகள்

ஏக்கம் கொண்டு பார்க்கும் 

பகலவன் வரும் நேரம்  
பயந்தே மெல்ல  நழுவும்
பலவேளை நாணம் கொண்டு 
வெட்கி விலகி ஓடும்
  

சித்த மெல்லாம் நீரே சாயி ஸ்ரீ சாயி

 

சித்த மெல்லாம்

நீரே சாயி ஸ்ரீ சாயி

நித்தமும் நான்தொழுவேன்

உத்தமராம் உமை

வித்தகரே தினம்

காப்பாயே  எ(ம்)மை   ( சாயி ஸ்ரீ சாயி)

எத்தனை நான்மறவேன்

பித்தனையும் பணிவேன் -உன்

சக்தியையும்  அறிவேன்

சரணடைந்தேன் சாயி

எத்துணை அவலம்

வந்துற்ற போதும்

அத்தனையும்  களைவாயே-அந்த  

அம்மை அப்பனும் நீயே  (சாயி ஸ்ரீ சாயி)

நொந்துநான் போனால்

நிந்தனைகள் உமக்கே

சிந்தனை செய்வாயே

வந்தருள் செய்வாயே

சிந்தையில் வந்தமர்ந்து

விந்தைகள் புரிவாயே

முந்தைய வினைமுழுதும்

விலகிட அருள்வாயே   ( சாயி ஸ்ரீ சாயி)

நித்திரை யின்றி

செத்திடுவேனே

புத்திரர் நிர்கதியானால்

நித்தியமாய் வேண்டும்

நெற்றிக் குங்குமம்

நிலைத்திட அருள்வாயே-வாழ்வை

சிதைத்திட எண்ணி எனை

பகைத்திட வேண்டாம் சாயி

பதைத்திடும் போதில் எல்லாம் 
திகைத்திடும் படியாய் 
தீர்த்திடுவையே சாயி 

சாயி தயாளா வள்ளல் நீயே  வருக -நல்

வாழ்வினையே தருக (சாயி ஸ்ரீ சாயி)

நீள்கடலில் நின்று

தத்தளித்தாலும்

நீந்திட வழிவிடய்யா

ஆழ்புதை குழியில்  நான்

அமிழ்ந்தாலும்-எனை

ஆதரிப்பாய் ஐயா

ஆளரவம் அற்ற

அடர்ந்த காட்டில்

தனித்து நின்றாலும்

துணையாவாய் ஐயா  ( சாயி ஸ்ரீ சாயி)

புயல்காற்று மழையினில்

சிக்கி சுழன்றாலும்

கொடிய விலங்கு-எமை  

கொன்று போட்டாலும்

வலிய பகை என்னை

வளைத்து நின்றாலும்

விஷக்கிருமி என்னையே

வாரிச் சென்றாலும்

விலகி ஓடுமே

உம்நாமம் சொல்லவே  (சாயி ஸ்ரீ சாயி)

என் கண்ணுக்குளே

இரும் காருண்யரே உம் நினைவு

என்றும் நீங்காமலே 

நின் பாதம் பணிய

காணும் இனிமை

இம்மை மறுமை எங்குமே

தோன்றும் எண்ணம் நிகழுமே

தொல்லை எல்லாம் அகலுமே

தொடர்ந்து செல்வேன் உம்மையே  (சாயி ஸ்ரீ சாயி)

மழலை மொழிகள் மகத்தான செல்வம்

மழலை மொழிகள் மகத்தான செல்வம்
வாழ பழக்கு வருங்காலம் அவர்க்கு
ஊக்கம் உறுதியும் ஊட்டிடு உவக்க-அவர்
ஆக்கமும் நோக்கமும் அறிவும் சிறக்க

ஈழத்துக் குயில்கள் எல்லாம் இசைத்தால் கூடாதா 

: தெவிட்டாத திங்கள் :

  தூரிகையில் துலங்கும் ஓவியனின் எண்ணம்.

எண்ணங்கள் பூக்கும் காவியமாய் ஆக்கும்

ஆலயம் தொழுவது சாலவும் நன்று

நாவூறும் அறுசுவையில் நூறுவகை நோய்தீரும்

மழலை மொழிகள் மகத்தான செல்வம்

தேட்டம் நல்கும் வீட்டுத் தோட்டம்

நன்றாக இருந்தது அம்முக்குட்டியின் சமையல். ரசித்து ருசித்து சாப்பிட்டோமா கொஞ்சம் அதிகமாகவே சாப்பிட்டுவிட்டோம். அதனால் கொஞ்சம் அசதியாக இருந்தது.எல்லோரும் அமைதியாக இருந்தோம். ரூபன் என்னம்மா யோசனை சொல்லுங்கள் என்றார் இல்ல நான் வெளிக்கிடும் போது வீட்டுக்காரர் உடம்பை பாத்துக்கோ சுகர் சேர்த்துக்காத என்று சொன்னாரு ஆனால் இங்கு பார்த்தால் அம்முவின் அன்புத் தொல்லை தாங்க முடியவில்லை. அவர் ஒரே குலாப்ஜமன், பால் பாயசம், லட்டு என்று ஏகப்பட்ட சுவீட் தந்தாரா ஒரு சுத்து பெருத்திட்டன் இல்ல வீட்டுக்கு போக வீட்டுக் காரங்க என்ன உண்டு இலன்னு பண்ணிடுவாங்களே என்று பயமா இருக்கையா. அது தான் யோசனை வேறு ஒன்றும் இல்லை. எல்லோரும் உட்கார்ந்து பேசிக்கொண்டு இருந்தோமா. மகிழ் நிறை கதை சொல்லுங்கள் ஆன்ரி என்று நச்சரித்தார்கள். இன்று வீட்டிலேயே இருப்போம் என்று முடிவு. எனவே ரூபனும் சகோ மதுவும் கூட சரி சொல்லுங்கள் நாங்களும் கேட்கிறோம் என்றார்கள்  சரி என்று நானும் சொல்லத் துவங்கினேன்.

பேராசிரியர் நியூக்லிட் என்பவர் தன் பேராசிரியர் நண்பர்களுடன் எகிப்து நாட்டிலுள்ள பிரமிட்டுகளை பார்வையிட்டுக் கொண்டிருந்தார். அந்த சமயம் ஒரு பேராசிரிய நண்பர் " நியூக்லிட் ," இந்த பிரமிடின்  உயரத்தை நீங்கள் டேப்பை வைத்து அளந்து சொல்லிவிட முடியுமா ?"என்று கேட்டார்.
பிரமிட் அடிப்பகுதி அகலமாகவும் , போகப் போக குறுகலாகவும் உள்ள அமைப்பு. அதில் டேப்பை தொங்க விட்டு அளக்க முடியாது. "ஏனப்பா! எறிவிடலாமெனப் பார்க்கிறாயா?"என்று கிண்டல் செய்தார் ஒருவர்

"இரப்பா ! யோசிக்கட்டும் என்றார் ஒருவர். நியுக்லிட் எதுவும் பேசாமல் டேப்பை எடுத்து பிரமிட்டின் நிழலை அளந்து குறித்தார். தான் நிழலையும், உயரத்தையும் வைத்துக் கணக்கிட்டவர், இத்தனை நீள நிழலுக்கு இத்தனை உயரம் இருக்கும் என்று துல்லியமாக கணக்கிட்டுச் சொன்னார். நியுக்லிட் சொன்னது பிரமிட்டின் சரியான உயரம் என்பதை அறிந்த நண்பர்கள் அவரது புத்திக்கூர்மையைக் கண்டு பிரமித்தார்கள்.

"வெள்ளத்தனைய மலர் நீட்டம் மாந்தர் தம்
உள்ளத் தனையது உயர்வு."

நீர்பூக்களின் தண்டின் நீளம் அவை தண்ணீரில் நிற்கும் அளவே இருக்கும். நீர் உயர உயர தண்டும் உயரும். மனிதருக்கும் ஊக்கத்தின் அளவே உயர்ச்சியும் இருக்கும். முடியாது என்று எதுவுமே இல்லை என்று முயன்றார் நியுக்லிட். வெற்றியும் புகழும் பெற்றார்.
எப்படி கதை என்றேன். எலோரும் ம்...ம்.. நன்றாகவே உள்ளது என்றார்கள்.
மகிழ் நிறை ரொம்ப சந்தோஷப் பட்டார்கள்.

சரி tea டைம் என்றேன் பின்னர் நானே போட்டுக் கொடுத்தேன். உடனே எல்லோரும் wow காப்பியே இப்படி என்றால் நிச்சயம் சமையலும் நன்றாகவே இருக்கும். எனவே  டின்னர் நீங்கள் தான் என்று சொல்லிவிட்டார்கள். வேறு வழி இல்லாமல் சரி என்று நானும் தலையாட்டி விட்டு, பேசிக்கொண்டு இருந்தோம். நான்  என் அம்முவை கேட்டேன் எப்படி மாணவர்களை சமாளிக்கிறீர்கள் உலகம் போகிற போக்கில் கொஞ்சம் பயமாகவே உள்ளது. குழந்தைகளை  எப்படியெல்லாம் வளர்க்கவேண்டும் என்று ஒவ்வொரு பெற்றோருக்கும் கனவுகள் இருக்கும். ஆனால் எப்படி என்று புரியாமல் இருப்பார்கள் அல்லவா நீங்கள் ஆசிரியர்களாக இருப்பதால் கொஞ்சம் சொல்லுங்களேன் என்றேன்.
உடனே காத்திருந்தது போலவே மதுவும் மைதிலியும் மாறி மாறி சொன்னார்கள் இதோ நீங்களும் கேட்டுப்பாருங்களேன்  உங்களுக்கும் இவை மிகவும் உதவும்.

1       மகிழம்பூச்சரம் என்னும் வலைப்பூவில் எழுதிவரும் சகோதரி சாகம்பரி அவர்கள் குழந்தை வளர்ப்பு பற்றி மிக அருமையாக கூறிள்ளார் வாருங்கள் சென்று பார்ப்போம் குழந்தைகளும் ஊட்டச்சத்துப் பானமும் பாகம்-  mahizhampoosaram.blogspot.com

2        4 பெண்கள் என்னும் தளத்தில் குழந்தை வளர்ப்பு பற்றி ஒவ்வொரு விடயங்களையும் துல்லியமாக மிக மிக அருமையாக கூறியுள்ளர்கள்  சென்று பாருங்கள். fourladiesforum.com


3        மாணவர்களின் பார்வையிலிருந்து... 

எப்படி இருக்க வேண்டும் நல்ல ஆசிரியர்... 

மெல்லிய புன்னகை இருக்க வேண்டும்.  சிடுசிடுவென இருக்கும் டெரர் மூஞ்சி மாணவர்களை கலவரப்படுத்தும். என்கிறார் ரோஜா பூந்தோட்டம் எஸ் பாரத்   bharathbharathi.blogspot.com  நிறைய விடயங்கள் சொல்கிறார் கேட்டுத் தான் பாருங்களேன். 
4       ‘குழந்தை வளர்ப்பு’ பகுப்புக்கான தொகுப்பு
தூக்கமின்மை பெரியவர்களுக்கு மட்டுமல்ல குழந்தைகளுக்கும் தான் என்கிறார். பெற்றோர்களே குழந்தைகள் தூங்கவில்லை எனில் சினப்படாதீர்கள். நிதானமாகக் காரணத்தைக் கண்டறிய முயலுங்கள் அதை நிவர்த்தி செய்யுங்கள் என்கிறார். Dr M K Muruganandan மேலும் என்ன சொல்கிறார் சென்று பாருங்கள். தூக்கத்தைத் தொலைத்த குழந்தைகளுடன்

5          சிறுவர்களை வழி நடத்த  நற்கருத்துக்கள் உள்ள தன்னம்பிக்கையை வளர்க்கக் கூடிய நீதிக்கதைகளை சொல்லி வளர்க்க வேண்டும். தவறுகளை ஆரம்பத்திலேயே முளையிலேயே கிள்ளி விடவேண்டும் என்கிறார்  பாபு நடேசன்.சென்று தான் பாருங்களேன்.   தவறு சிறுசா இருக்க திருந்திக்கோ | தமிழ் அறிவு கதைகள்  http://tamilarivukadhaikal.blogspot.ca

6       நாளைய சமுதாயம் நலமாக வாழ மனிதநேயத்தை கட்டிக் காக்க, ஆரோக்கியமாக வாழ, நற்குணங்கள் கொண்டு  , விவேகமும் வெற்றியும் பெற குழந்தைகள் எப்படி வளர வேண்டும் வளர்க்கப் பட வேண்டும் என்று விலாவாரியாக எடுத்துரைக்கிறார் சம்பத்குமார் 
நிச்சயம் ஒவ்வொரு பேரன்ட்சும் தெரிந்து கொள்ள வேண்டியவை. சென்று பாருங்கள் நட்புகளா. குழந்தை வளர்ப்பில் கவனிக்க வேண்டியவை - பாகம் 1 தமிழ்பேரன்ட்ஸ் http://www.tamilparents.com எனும் தளத்தில்

7        ஆதித்தன் வலைக்குடிலில்  ஓவியம், சிறுவர் பாடல்கள், குழந்தை பாடல்கள், பொ து அறிவுச்  செய்திகள்,சிரிப்பு துணுக்குகள் என பல விடயங்களை அள்ளித் தருகிறார். இச்சிறுவனுக்குத் தான் எத்தனை ஆர்வம் எத்தனை பற்று தமிழில். அவரை நாம் ஊக்கப் படுத்த வேண்டாமா இதோ சென்று பாருங்கள்    க. ஆதித்தன்  http://kuttivall.blogspot.ca/ பொம்மையம்மா பொம்மை..! - குழந்தைப் பாடல்

8      நான் சந்திக்கும் பிரச்சனை, சாதாரண ஒன்று தான். ஆனால் அதை பற்றி எழுதும் தைரியம் எனக்கு இல்லை.. ஆக அதை விவரிக்கும் விதமாக, படங்கள் 

சிலவற்றை கோர்வையாக சேர்த்து எனது கவலையை எடுத்துரைத்துள்ளேன்.. இதை படிக்கும் உங்களுக்கு எனது பிரச்சனைக்கான தீர்வு தெரிந்திருந்தால், பெரிதுள்ளம் கொண்டு அதை பின்னூட்டத்தில் தெரியபடுத்தி, என்னையும் எனது எதிர்காலத்தையும் காக்குமாறு 

வேண்டிக் கொள்கிறேன் என்கிறார் அப்படி என்ன தான் பிரச்சனை போய் தான் பார்ப்போமே அறைகூவல் விடும்      இல. விக்னேஷ்  ஐ காப்பாற்றலாமா  என்று பார்ப்போம் வாருங்கள் ..http://indianreflects.blogspot.com/

9       காற்றும் வீச மறுத்ததால் மரங்களும் மரித்ததாம் இதனால் வயல் வெளிக்கு ஒரு மணம் வாழை மரத்திற்கு ஒரு மணம் என்கிறார் ஜெ.பாண்டியன்  பாலைவனமாகும் உலகு என்கிறார்  தூக்கிவாரிப் போடுகிறது நமக்கு என்ன தான் சொல்லுகிறார். இரவைக் கூட இரவல் வாங்க வேண்டுமோ என்று ஆதங்கப் படுகிறார். /சென்று தான் பாருங்களேன் ஒரு முறை. 

10       குழந்தைகளுக்கான தடுப்பூசிகளை உரியநேரத்தில் போட்டால் நோய் வரு முன் தடுக்கலாம் என்பதை விளக்கும் இப் பதிவு இதோ  குழந்தைகளுக்கான தடுப்பூசி அட்டவணை......... http://kiruukkal.blogspot.com

இப்படிக் கேட்டால் எப்படி உரைப்பேன்

   

     

யார் அந்த மதுரை தமிழன் இழுத்து வாருங்கள் அவரை இல்லை இல்லை (தமிழுக்கு பங்கம் ஏதும் நேர்ந்து விட்டால் என்ன செய்வது ) மெல்ல அழைத்து வாருங்கள். யாராவது பூரிக் கட்டை இருந்தால் எடுத்து வாருங்கள்  தயவு செய்து ஏனெனில் வந்து சேர எவ்வளவு நேரம் எடுக்கும் தெரியாதே எனவே இன் த மீன் டைம் பூரி சுடத் தான்.  ஆமா தெரியாமத் தான் கேட்கிறேன் ஏதாவது ஒரு கனவுக் கன்னியோடு டூயட் பாடுவது போல கனவு காண்பது தானே அதை விட்டு விட்டு வலைதள உறவுகளை பந்தாடுவது போலவா கனவு காணவேண்டும். ராஜி பொண்ணை முதல்ல சொல்லணும் இவ எதுக்கு சும்மா இருக்காம அவர் கனவுல போய் கேள்வி எல்லாம் கேட்டுகிட்டு சரி போனது தான் போனா எப்பிடி சுகமா இருகிறீங்களா என்று கேட்டுவிட்டு வரவேண்டியது தானே. அதென்ன 10 கேள்வி வேண்டிகிடக்கு, எல்லாம் நேரம் தான் வியாழ மாற்றம் செய்யும் வேலை போல... சரி அது தான் போகட்டும் என்று பார்த்தால் என் அம்மு மைதிலி ,தோழி அம்பாள் ,சகோதரர் சொக்கன் எல்லாரும் பிளான் பண்ணி என்னையும் இழுத்து இல்ல விட்டுட்டாங்க. என்னையும் உங்க விளையாட்டில சேர்த்து கொண்டமைக்கு ரொம்ப நன்றிங்க கண்ணுகளா. சரி அவங்க ஆசையை ஏன் கெடுப்பானேன் என்று மண்டையை போட்டு குடைஞ்சு எடுத்து பதில் போட்டிருகேன்ங்க பார்த்து நல்லதா நாலு வார்த்தை சொல்லிட்டு போங்க நல்லவர்களே வல்லவர்களே. 

பத்து பேருக்கு நான் எங்கே போவேன் எல்லோரும் ஏற்கனவே எல்லோரையும் பதிவில் பதிந்து விட்டார்கள். முடிந்த வரை தேடிப்பார்கிறேன். முடியாவிட்டால் விட்டுவிடுகிறேன்.

1.உங்களுடைய 100 பிறந்தநாளை எப்படி கொண்டாட விரும்புகிறீர்கள்?
 நான் பேராசைப் படுவதில்லை. காரோட கொண்டிஷனை வைத்து தானே எவ்வளவு தூரம் பிரயாணம் செய்யலாம் என்று தீர்மானிப்போம். என்னோட என்ஜின் அவ்வளவு தூரம் பயணம் பண்ணாது. இருந்தாலும் முதுமை பொல்லாதது எனவே அது எனக்கு வேண்டாம்.


2.என்ன கற்றுக்கொள்ள விரும்புகிறீர்கள்?
எப்படி எல்லாம் நேரத்தை மிச்சப் படுத்துவது, செய்யும் வேலைகள் அனைத்தும் கச்சிதமாகவும், நேர்த்தியாகவும், சீக்கிரமாகவும், இலகுவாகவும்   எப்படி செய்வது என்று பரீட்சித்து கற்றுகொள்ள விரும்புவேன். கவிதையை இன்னும் இன்னும் நன்றாக அழகாக எப்படி எழதுவது. என் ப்ளாக் ஐ மேலும் எப்படி அழகாக்குவது போன்றவையே.

3.கடைசியாக சிரித்தது எப்போது? எதற்காக?
ஜூன் 13 அன்று கட்டுரை போட்டிக்காக ரூபன் அவர்கள் அனுப்பிய பதக்கம் சான்றிதழ் அனைத்தும் அன்று தான் கிடைத்தன. அன்று தான் என் மகனின் பிறந்த நாளும். என் மகள் மார் இருவரும் போட்டோ பிரேம் வாங்கி வந்து அதில் சான்றிதழை இட்டு பதக்கம் வைத்து லிவிங் ரூமில் வைத்து விட்டு என்னை அழைத்து வந்து காட்டினார்கள். எனக்கு ஒரே சந்தோஷம் தான் அத்துடன் flower basket ம் தந்தார்கள். நான் அண்ணாவுக்கு என்ன வாங்கினீர்கள் என்றேன். flower basket ஐ திருப்பி காட்டிவிட்டு களுக் என்று சிரித்தார்கள். பார்த்தால் அதில் இருந்த கார்ட் ல் ஒரு பக்கம் என்னை விஷ் பண்ணியும் மறு பக்கத்தில் என் மகனை விஷ் பண்ணியும் இருந்தார்கள். நான் அடி பாவிங்களா சோ சீட் இப்படியா செய்வீர்கள் என்று அடிக்கப் போனேன்.அப்பொழுது அனைவரும் சிரித்தோம். அந்த சண்டே பாதெர்ஸ் டே அப்போ நான் சொன்னேன் விட்டா நீங்கள் இதிலேயே பாதெர்ஸ் டே க்கும் விஷ் பண்ணிக் குடுப்பீங்க போல என்று கூற மீண்டும்  அனைவரும்  சிரித்தோம்.
 
4. 24மணி  நேரம் பவர்கட் ஆனால் நீங்கள் செய்வது என்ன?
குளிர் காலத்தில் அப்படி வீட்டில் இருக்க முடியாது. வெப்ப காலத்திலும் இருக்க முடியாது தேநீர் கூட அருந்த முடியாது.எனவே அனைவரும் ஷோபிங் மோலுக்கு போவோம் இல்லையேல் தெரிந்தவர்கள் வீட்டில் அடைக்கலம் புக வேண்டும். சமாளிக்க முடிந்தால் வீட்டிலேயே இருந்து  நல்ல சந்தர்ப்பம் என்று கவிதை எழுதுவேன். அல்லது  ஏதாவது வாசிப்பேன் மிகுதி நேரத்தில் தூங்குவேன்.

5. உங்கள் குழந்தைகளின் திருமண நாளில் அவர்களிடம் சொல்ல விரும்புவது என்ன?
டிவோஸ் என்ற நிலைமை வராது கடைசி வரை ஒற்றுமையாக,சந்தோஷமாக ஈகோ இல்லாமல் ஒருவருக்கொருவர்  விட்டுக் கொடுத்து வாழ வேண்டும்.பிள்ளைகளுக்கு அநாதரவற்ற நிலையினை ஒரு போதும் தேடக் கூடாது  என்று சொல்வேன்.

 6.உலகத்தில் உள்ள பிரச்சனையில் உங்களால் தீர்க்கமுடியும் என்றால் எந்த பிரச்சனையை தீர்க்க விரும்புகிறீர்கள்?
 நோய் அற்ற வாழ்வு அவசியம் இல்லையா அதனால் பொலூசன் இல்லாமல் வாழ வழியும்,  கெமிக்கல் இல்லாத உணவு உற்பத்தியும் செய்ய வேண்டும் என்று விரும்புவேன். பொல்லாத நோய்களையும் அங்கவீனமும் இது குறைக்கும், என்று நம்புகிறேன். நல்ல ஆரோக்கியமான  சமுதாயம் இதனால் உருவாக வேண்டும் என்பது என் எண்ணம்.

7.நீங்கள் யாரிடம் அட்வைஸ் கேட்பீர்கள்?
என் கணவரிடமும் பிள்ளைகளிடமும் மட்டும் தான் இல்லையேல் கடவுளின் கையில் கொடுத்துவிட்டு அவரை நச்சரிப்பேன் அவரும் வேறு வழியில்லாமல் அருள் புரிவார்.  

8.உங்களை பற்றிய தவறான தகவல் பரப்பினால் என்ன செய்வீர்கள்? 
நான் ஒரு பாவமும் அறியேனே ஏன் இப்படி நடக்கிறது என்று கடவுளிடம் முறையிடுவேன் மூக்கையும் சிந்துவேன். அவர் பார்த்துக்கொள்வார்.

9.உங்கள் நண்பரின் மனைவி இறந்தால் அவரிடம் என்ன சொல்வீர்கள்?
மறு பிறப்பில் அவர் தான் மீண்டும் தங்களுக்கு மனைவியாக வருவார் எனவே கலங்கவேண்டாம் என்று சொல்வேன்.

10.உங்கள் வீட்டில் தனியாக இருந்தால் என்ன செய்வீர்கள்?
முதலில் வீடு சுத்தமாகவும் அழகாகவும் வைத்திருக்க ரொம்ப பிடிக்கும் அதனால் உடனடியாக களத்தில் இறங்கிவிடுவேன் சுத்தம் செய்ய. அதன் பின்பு வலைத்தளம் வந்து வரிசையாக பதிவுகளை படித்து கருத்துக்களை இடுவேன். கவிதை எழுத முயற்சி செய்வேன்.


தயவு செய்து என்னை மாட்டிவிடும் என்னை மன்னித்து விடுங்கள். உங்களுக்கு பெரிய மனது  எனவே மன்னித்து விடுவீர்கள் என நம்புபகிறேன். எதோ என்னால முடிந்தது. தயவு செய்து 10 வினாக்களுக்கும் விடை பகர்ந்து விடுங்கள். ஆவலோடு எதிர்பார்க்கிறேன் நன்றி! நன்றி ! நன்றி !


அன்பின் சீராளன்  என்னுயிரே
http://soumiyathesam.blogspot.com/2014/06/blog-post.html

அன்பு சகோதரர்
 ஊமைக்கனவுகள்
http://oomaikkanavugal.blogspot.ca/  

அன்பு சகோதரர்
சிவகுமாரன் கவிதைகள்
http://sivakumarankavithaikal.blogspot.ca/2014/05/40.html

அன்பு சகோதரர் ஜீவலிங்கம் யாப்பறிந்து பாப்புனைய வாருங்கள்
http://paapunaya.blogspot.ca/2014/06/blog-post_20.html 

அன்புத் தோழி ராஜராஜேஸ்வரி
மணிராஜ் -
http://jaghamani.blogspot.com/2014/06/blog-post_16.html

தந்தையை மிஞ்சிய தெய்வமும் இல்லை

      

தாயிற் சிறந்த கோவிலுமில்லை
தந்தையை மிஞ்சிய தெய்வமும் இல்லை-நாம்
கெஞ்சிட கெஞ்சிட செய்யும் தொல்லை 
கொஞ்சி கொஞ்சி மகிழ்வார் தந்தை

பத்துமாதம் சுமப்பாள் அன்னை 
பகல் இரவாய் உழைப்பார் தந்தை
மனதுபூரா இழைப்பார் எம்மை
களைப்பை மறந்து சிரிப்பார் தம்மில்

ஊன் உறக்கம் இன்றி காப்பாள்  அன்னை
உடலை உயிரை வருத்தி பார்ப்பார் தந்தை 
கேட்பது எல்லாம் கிடைக்கும்- எம்
கேள்விக்கு பதிலும் கிடைக்கும்

ஊட்டி ஊட்டி வளர்க்கும் தந்தை
உள்ளத்தில் கனவு வளரும்
பாட்டி சொல்லும் நீதி கதைகளை 
மீட்டிப் பார்த்து சொல்வார்

பண்புடனே தான் நடப்பார்
உண்மைகளை நமக் குரைப்பார்
விசனம் என்றால் போதும் 
வேடிக்கை காட்டிட விளைவார்

கேள்விக்குறி போல் தோன்றி
உப்பு மூட்டை சுமப்பார்
ஒப்புக்கே அவர் சிரிப்பார் -எம்
தப்பை மறைக்க தவிப்பார்

ஆனை போலே மாறி எம்மை 
அள்ளிச் செல்வார் பாரீர்
கோளை போல எம்மை கண்டு
கெஞ்சி கெஞ்சி பார்ப்பார்

மேம்பட எம்மை வளர்ப்பார்
நல்வழியினில் நடத்திச் செல்வார்
தேம்பி அழுதால் நாமும்- அவர்
திகைத்தே நிற்பார் காணும்

தவறுகள் செய்தால் போதும்-அவர்
தடி கொண்டு அடிப்பார் மேலும்-தலை
தலையென அடிப்பார் தானும் -தாயிற்
திரும்பும் கோபம் தணிந்திடும் உடனே பாரும் 

கண்மணி போல் எமை காக்கும் தந்தை
கலங்கிட நேரா தென்றும் 
காத்திடவேண்டும் இறைவா 
நோய்கள் தாக்காதென்றும்  
நோக்கிடவேண்டும் வா வா 

நிம்மதி என்றும் நிலைத்திடவும்
மகிழ்சிக் கடலில் நீந்திடவும்
நீடுழி வாழ்ந்திடவும்
வாழ்த்திட வேண்டும் வாவா
போற்றிடுவோம் உமை பாபா