நன்றி சொல்ல வார்த்தை இல்லை

 

தை பொங்கலை முன்னிட்டு நடாத்திய கட்டுரை போட்டி

தணியாத தாகம் கொண்டு தமிழ் வளர்க்க எண்ணும் ரூபனும், பாண்டியனும் தமிழை யாசித்தும் சுவாசித்தும் கொள்ளும் இவர்கள் யோசித்து இணைந்து நடாத்திய வலைதள கட்டுரை போட்டி சிறப்பாக நடந்து முடிந்ததையிட்டு மிக்க மகிழ்ச்சியே. அவர்கள் மேன் மேலும் தமிழ் மணம் பரப்பி பூவோடு சேர்ந்து நாரும் பரகதி அடைவது போல் தாமும் வாசமுற்று வையகமும் வானகமும் போற்றிடும் வகையில் போட்டிகள் பலவும் நடத்தி நல்ல நட்பையும் நல்ல பெயரையும் சம்பாதிக்க வேண்டும் என்று வாழ்த்துகிறேன். 

அவர்களுக்கு ஒத்துழைப்பு வழங்கு வதற்காகவே இப் போட்டியில் நான் பங்குபற்றி இருந்தேன். ஆனால் எழுதுவேனா என்பது கூட எனக்கு தெரியாது முயற்சி செய்வதில் தவறொன்றும் இல்லை என்று எண்ணியே எழுதினேன். ஆனால் பரிசினை வெல்வேன் என நினைத்தே பார்க்க வில்லை மட்டில்லா மகிழ்ச்சியே. 
அவசரமான இந்த உலகத்தில் நேரம் என்பது கிடைப்பது மிகவும் அரிது விலைமதிக்க முடியாதது. எத்தனை அலுவல்களுக்கு மத்தியில் இந்நிகழ்ச்சியை சிறப்பிக்க அந்நேரத்தை வழங்கி ஆதரித்தும், எனக்கு
இந்த சந்தர்ப்பத்தை வழங்கிய நடுவர்களாகிய ,பெருமைக்குரிய கவிஞர் திரு  முத்துநிலவன் அவர்களுக்கும், கவிஞர் திரு வித்தியாசாகர், அவர்களுக்கும் கவிஞர் திரு  செல்லப்பா அவர்களுக்கும்  மற்றும் ஆலோசனைகளையும் வழங்கி, வழிநடத்தி சென்ற சகோதரர் திரு ரமணி ஐயா அவர்களுக்கும், திரு திண்டுக்கல் தனபாலன் அவர்களுக்கும், என் மனம் நிறைந்த நன்றியும் வாழ்த்துக்களும் உரித்தாகட்டும்....!  
இந்த நிகழ்ச்சியில் பங்கு பற்றி சிறப்பித்த அனைவருக்கும், போட்டியில் போட்டியில் வெற்றி பெற்ற அனைவருக்கும் என் உளம் கனிந்த வாழ்த்துக்கள் உரித்தாகட்டும்,

http://kaviyakavi.blogspot.com/2014/01/blog-post.html?showComment=1396568378344#c9119083146556205765

இன்றைய சினிமாவின் போக்கும் சமூக பாதிப்புகளும்