உயிரே உயிரே

 

 

 

உயிரே உயிரே ஒரு நாளும் எனை பிரியாதே  
பிரிந்திருந்தால் என்னுயிரோ ஒரு கணம் தரியாதே
எந்தன் உயிர் எந்தனுக்கே சொந்தமில்லை தெரியாதோ  

உன்னுறவு இருக்கும் வரை என்னுயிரும் நிலைபெறுமே ;

(அதனால் உயிரே )
 முதல் இருந்தால் ஒரு முடிவிருக்கும் 
இரவிருந்தால் ஒரு பகல் இருக்கும் 
நீர் இருந்தால் ஒரு நிலம் இருக்கும்  
நீ இருக்கும் வரை தானே உன் நிழலும் இருக்கும் ;
(அதனால் உயிரே)
 நிலவில்லாத இரவா பகலவன் இல்லாத பகலா  

மலர்கள் இல்லாமல் நந்தவனம்மா

மகுடம் இல்லாத மன்னவனா  
வெறுமை தானே நிஜமா நிம்மதி அங்கு வருமா 
(அதனால் உயிரே )
  பார்வை இல்லாத விழிகள் பருவம் இல்லாத வருஷம் 

உணர்வே இல்லாத உடலும் இரக்கம் இல்லாத இதயம்
காற்றே இல்லாத உலகம்  
இருந்தால் என்ன பயனோ நீ இல்லாத வாழ்வில் நானோ

;(அதனால் உயிரே )
 உறவுகள் அனைத்தும் பிரிந்தாலும் 

என் உணர்வுகள் எல்லாம் ஒழிந்தாலும்
உலகம் முழுவதும் அழிந்தாலும் 
உன்னுயிருடன் என் உயிர் கலந்திருக்கும்   

இறுதி வரையில் சேர்ந்திருக்கும் 
இறந்த பின்பும் தொடர்ந்திருக்கும்  
வானில் ஒன்றாய் பறந்திருக்கும்

நம் உறவுகள்  தொடர்கதையே  
நம் உயிருக்கு விதிவிலக்கே 
(அதனால் உயிரே )